وي وي
بصراحه موضوع ماره حلو
خضار تشيليز المشوية المتبلة 
www.gianteagle.com/media/images/tov_recipes/grilled_veggies_80_x_80.jpg" border="0" alt=""/>
www.food-management.com/images/recipes/RH0110p46oniongrld_veggies.jpg" border="0" alt=""/>
المقادير:
تشكيلة من الخضروات الطازجة والمغسولة جيدا
((كوسا-جزر-فلفل رومي-بروكلي- أكواز ذرة -وممكن تضيفي كمان أي خضار ثانيه تحبيها..))
كمية قليلة من الزبدة((مقدار ملعقتين طعام كبيرة))
بهارات متنوعه وهي
ملح- فلفل أسود-بابريكا((هذي تلقونها ناحية التوابل في السوبر ماركت بودرة حمراء مكتوب عليها بابريكا يعني فلفل حلو )) هاذا ترى مافيه إسم الحرارة مجرد نكهة ولون فقط
زعتر بري مجفف
قليل من زيت الزيتون (ملعقة واحدة فقط((ملعقة طعام)) لاتكثرو عشان مايبان طعمها))الطريقةأولا عزيزاتي من أهم أسرار خضروات تشيليز هو التتبيل
أخلطي كل من المتبلات السابقة كلها مع بعض وأضيفي عليها ملعقة حلى زبدة (مو كل مقدار الزبدة الذائبة..لأ ..ربع المقدار فقط))وملعقة طعام من زيت الزيتون
أخلطيهم جيدا وأتركيهم على جنب
نروح للخضار..
أغسلي الكوسى والجزر جيدا ولاتقشرينهم بل نظفي قشرتهم الخارجية بفرشاة التنظيف الخاصة((أفركي بالفرشة وقليل من الخل الأبيض والملح جيدا حتى تزيلي الأتربة وماتبقى من مواد الرش العالقة))
وإذا ماعندك فرشة أفركيهم بالخل والملح بيدك..أهم شي إنهم ينظفوا تمااااما
وبعد كذه قطعيهم شرائح دائرية متساوية
بالنسبة لأكواز الذرة مايحتاج لها شي إلا إنك تطلعيها من الفريزر من بدري((أنا أتكلم طبعا عن أكواز الذرة المجمدة إللي تجي نصف كوز أو ربع كوز)) تلقوها في الفريزرات في السوبر ماركت..وتنباع مجموعة في واحد كيس))
بالنسبة للفلفل الرومي نظفيه تمام من البذور الداخلية وقطعيه شرائح دائرية متساوية العرض
بالنسبة للبروكلي ((للي مايعرفوه)) هو نوع من الخضار المستوردة ويشبة في شكلة الطحالب البحرية ذات الشكل الشجري)) نظفيه تمام بالملح والماء
وبعد ماغسلنا الخضار تماااام التماااام
نقطع الجزر والكوسى شرائح بقشرهم طبعا..
الذرة نتركها مثل ماهي..
البروكلي نفكفكه عن بعضه شوي..
بعد كذه خذي كل الخضار و قلبيها بيدك وأفركي فيها خلطة التوابل السابق تحضيرها (كله بيدك عشان تتخللها التتبيلة))وأتركيها نصف ساعه
بعد كذه جيبي قدر كبير وحطي فيه ماء وخليه يغلي لين يطلع دخانه((أهم نقطه لأننا راح نطبخ الخضار على البخار))
وبعدين حطي مصفاة كبيرة عندك على القدر أو بوسطه بحيث إنها تكون مستواها أعلى من الماء((يعني تكون أخرام المصفاة فوق الماء وليست في وسطه))
وحطي في وسط هالمصفاة كل الخضار السابقة تمام
وإقفلي عليها وخليها 10 دقائق بالتمام بحيث إنها تستوي نص إستواء أو ثلاث أرباع إستواء أهم شي مانبغ الخضار تنهري معانا ((مهمة جدا هذي الخطوة))
((السر في الطهو بالبخار قبل الشوي هو:
1:تطرية الخضار قليلا قبل شويها
2:الإحتفاظ باللون الزاهي الأخضر للخضروات الخضراء
نعمل في هالوقت الصوص إللي راح أقولك عليه
وفلفل أسود وزبدة ذائبةقلبيهم سوى وحطيهم في صحن صغير وجيبي فرشاة الدهن وإستعدي..
بعد كذه جيبي صينيه وجيبي ((شواية كهربائية من إللي تنقفل فوق بعضها وإللي ماعندها تستخدم طاوة عمل البيض أو طاوة الشوي((هذي مثل طاوة البيض تمام لكن تخلف عنها بوجود خطوط في قاع الطاوة ويكون شكل الطاوة مربع مو دائري)) عرفتوها ..هذي خاصة بالشوي..
جيبي بعد كذه الذرة وحطيها في الصينية وأدهنيها من كل الوجوه بالفرشاة بخليط الزبدة والفلفل
وحطيها في الصينية ودخليها الفرن وولعي عليها الشواية ((يعني من فوق )) وخليها تتحمر شوي ..وكل شوي إنتبهيلها لاتنحرق ..كل إشوي إقلبيها على جهة من الجهات عشان تتحمر من كل النواحي..
جيبي بقية الخضار المطهوة بالبخار وولعي على طاوة الشوي أو الشواية الكهربائية ورصي الخضار فيها وخليهم كذه قدامك ينشووتمام وبعدين إقلبيهم على الجهة الثانيه
خلال عملية الشوي لاااااااازم تدهنيهم بخليط الزبدة والفلفل الأسود..وإنتبهيلهم لاينحرقوا..
بس خلاص وبعدين إذا إنشوت الذرة وإنشوت الخضار تمام على الوجهين((أهم شي مايكونوا مهريين وهذا يعتمد بالأساس على طريقة طهوك لهم بالخضار في الأول))
وحطيهم في طبق التقديم بجنب الستيك.. وبالهناء والعافية..
هاه عجبتكم الخضار؟؟حوستها حوسه صح..؟؟ لكن صدقوني طعمها بيطلع يجنننن وألذ من تشيليز جربوها وأدعولي.. يسلموووووووو خيتو سامو على الموضوع >>>>>>>>>>>> فنان في الطبخ تقبلي مروري المتواضع ريانوو
موضوع: الاكلة المفضلة^^ 
